ژوب: ژوب میں ڈیڑھ سالہ بچے میں پولیو وائرس کی تصدیق ہوگئی جس کے بعد ملک میں کیسز کی تعداد 9 ہوگئی۔ تفصیلات کے مطابق بلوچستان میں پولیو کا ایک اور کیس رپورٹ ہوا ہے، ژوب کی یونین کونسل حسن زئی اربن 2 میں ڈیڑھ سال کے بچے میں پولیو وائرس کی تصدیق کے بعد ملک بھر میں پولیو کیسز کی تعداد 9 ہوگئی ہے۔
کوآرڈنیٹر نیشنل ایمرجنسی آپریشنز سینٹر محمد انوار الحق نے کہا ہے کہ رواں سال اب تک 6 انسداد پولیو مہم ہو چکی ہیں، بچوں کو محفوظ رکھنے کیلئے مختلف حکمت عملی اپنا رہے ہیں جبکہ انسداد پولیو کی فوکل پرسن عائشہ رضا نے کہا کہ پولیو سے بچنے کا سب سے موثر طریقہ پولیو سے بچاؤ کی ویکسین ہے۔
