چین کے جنوب مغربی چھونگ چھنگ کے توان جئے چھون اسٹیشن سے ایک مال گاڑی روانہ ہورہی ہے۔ (شِنہوا)
بیجنگ (شِنہوا) بیجنگ سے بدھ کی صبح 10 بجے ازبکستان کے شہر تاشقند کے لئے ایک مال گاڑی روانہ ہوئی جس کے ساتھ ہی بیجنگ- وسط ایشیا مال بردار ٹرین سروس کا باضابطہ آغاز ہوگیا۔
چائنہ ریلوے بیجنگ گروپ کمپنی لمیٹڈ کے ذرائع کا کہنا ہے کہ ٹرین میں بیجنگ- تیانجن-ہیبے خطے کے گاڑیوں کے پرزے، ادویات اور دیگر سامان کے 90 معیاری کنٹینرز لادے ہوئے ہیں۔ یہ مال گاڑی سنکیانگ کی ہورگوس بندرگاہ سے گزرتی ہوئی 14 دن میں ازبک دارالحکومت پہنجے گی۔
انہوں نے بتا یا کہ یہ مال بردار ٹرین سروس بیجنگ کو بیلٹ اینڈ روڈ انیشی ایٹو کے اعلیٰ معیاراور مربوط ترقی میں مزید ضم ہونے کے لئے ایک نیا پلیٹ فارم مہیا کرے گی۔
