وانا: جنوبی وزیرستان میں ہسپتال کے قریب دھماکے کے نتیجے میں4افراد جاں بحق ہو گئے۔تفصیلات کے مطابق ڈی آئی خان کے علاقے جنوبی وزیرستان کے صدر مقام وانا میں کڑی کوٹ روڈ پر سٹی ہسپتال کے قریب دھماکے کے نتیجے میں 4افراد جاں بحق ہو گئے۔
دھماکے کی اطلاع ملتے ہی سیکیورٹی و ریسکیو حکام موقع پر پہنچ گئے اور جاں بحق افراد کو ہسپتال منتقل کردیا جبکہ سیکیورٹی فورسز نے علاقے کو گھیرے میں لے کر دہشت گردوں کی تلاش کیلئے سرچ آپریشن شروع کردیا ہے۔ ذرائع کے مطابق دھماکہ خیز مواد موٹرسائیکل میں نصب کیا گیا تھا جس کا ہدف گاڑی میں سوار طالبان کمانڈر عین اللہ تھے تاہم وہ محفوظ رہے۔
