سرینگر: بھارتی ریاست چھتیس گڑھ میں بھارتی فوج کی گاڑی بارودی سرنگ سے ٹکرانے سے 2اہلکار ہلاک، 4 زخمی ہوگئے۔غیر ملکی میڈیا کے مطابق بھارت کے نیم فوجی دستے سٹیٹ ٹاسک فورس، ڈسٹرکٹ ریزرو گروپ، کمانڈو بٹالین فار ریزولوٹ ایکشن اور سینٹرل ریزرو پولیس فورس کی مشترکہ ٹیم شورش زدہ ریاست چھتیس گڑھ میں نکسل باغیوں کے خلاف آپریشن کیا۔
آپریشن کے بعد واپسی پر بارودی سرنگ کیساتھ ٹکرانے پر بھارتی نیم فوجی دستے کی گاڑی زور دار دھماکے سے تباہ ہوگئی جس کے نتیجے میں چیف کانسٹیبل بھرت لال ساہو اور کانسٹیبل ستار سنگھ ہلاک ہوگئے جبکہ پروشوتم ناگ، کومل یادو، سیارام سوری اور سنجے کمار شدید زخمی ہوگئے جنھیں قریبی ہسپتال منتقل کردیا گیا جہاں دو اہلکاروں کی حالت نازک بتائی جا رہی ہے جس سے ہلاکتوں میں اضافے کا خدشہ ہے۔
ترجمان بھارتی فوج کے مطابق ابتدائی تفتیش میں یہ پائپ بم دھماکا لگتا ہے جسے زیر زمین چھپایا گیا تھا ،ممکنہ طور پر سیکیورٹی اہلکاروں کی گاڑی اس کے اوپر سے گزر ی تھی۔
