لاہور: معروف پاکستانی اداکارہ و ماڈل سدرہ نیازی نے کہا ہے کہ انسان کو محبت ایک سے زیادہ بار بھی ہو سکتی ہے۔
اداکارہ سدرہ نیازی نجی ٹی وی کے پروگرام میں بطور مہمان شریک ہوئیں جہاں انہوں نے شوبز کیریئر، نجی زندگی اور عشق و محبت سمیت مختلف موضوعات پر کھل کر اظہار خیال کیا۔
اداکارہ کا محبت کے حوالے سی کہنا تھا کہ انسان کو ہزار بار بھی محبت ہو سکتی ہے، محبت بھلا کوئی ایسی چیز ہے جس کو آپ کہیں قید کرلیں؟
انہوں نے کہا کہ یکطرفہ محبت آزادی ہے، مجھے لگتا ہے کہ جو بھی ایسا رشتہ جس میں آزادی ہو، آپ یکطرفہ محبت میں آزاد ہیں اس کو پنپنے دیں۔
اداکارہ کا کہنا تھا کہ آپ محبت کو محسوس کریں، اس کا اظہار بھی کریں، آگے سے مثبت رسپانس ملے تو اچھی بات ہے ہاں لیکن عشق کی بات کریں تو کچھ الگ معاملہ ہے۔
سدرہ سے ان کے پسندیدہ اداکار بارے پوچھا گیا جس پر انہوں نے فواد خان کو اپنا پسندیدہ اداکار قرار دیا۔
سدرہ نیازی نے کہا کہ کوشش کرتی ہوں کہ لوگ مجھ سے ناراض نہ ہوں، اگر مجھے علم ہو کہ کوئی مجھ سے کسی بات پر ناراض ہے تو معافی مانگنے میں کوئی مضائقہ نہیں ہے، چار دن کی زندگی ہے درگزر سے کام لیں۔
