اسلام آباد: ملک میں سیمنٹ بوری کی ریٹیل قیمت میں ہفتہ وار بنیادوں پر 0.21فیصد اضافہ ہوگیا۔ پاکستان بیورو برائے شماریات کے جاری اعدادوشمار کے مطابق 8اگست 2024 کو ختم ہونیوالے ہفتے میں ملک کے شمالی شہروں میں سیمنٹ کی فی بوری کی اوسط ریٹیل قیمت 1500 روپے ریکارڈکی گئی ہے جو پیوستہ ہفتے کے مقابلہ میں 0.21 فیصد زائد ہے،زیرجائزہ عرصے کے دوران ملک کے شمالی شہروں میں سیمنٹ کی فی بوری کی اوسط ریٹیل قیمت 1497 روپے ریکارڈکی گئی تھی، اسی طرح ملک کے جنوبی شہروں میں گزشتہ ہفتے کے دوران سیمنٹ کی فی بوری کی اوسط ریٹیل قیمت 1381 روپے ریکارڈ کی گئی جو پیوستہ ہفتے کے مقابلہ میں 0.01 فیصد زائد ہے۔
اعدادوشمار کے مطابق گزشتہ ہفتے کے دوران اسلام آباد میں سیمنٹ کی فی بوری کی اوسط ریٹیل قیمت 1537، راولپنڈی 1513، گوجرانوالہ 1520، سیالکوٹ 1530، لاہور 1550، فیصل آباد 1460، سرگودھا 1450، ملتان 1457، بہاولپور 1480، پشاور 1500 اور بنوں میں اوسط ریٹیل قیمت 1500 روپے ریکارڈکی گئی ہے۔
اسی طرح کراچی میں سیمنٹ کی فی بوری کی اوسط ریٹیل قیمت 1338، حیدر آباد 1325، سکھر 1450لاڑکانہ 1400، کوئٹہ 1430 اور خضدار میں 1343 روپے ریکارڈکی گئی ہے۔
