ملتان : ایف آئی اے نے بھیک مانگنے کی غرض سے سعودیہ جانے کی کوشش کرنیوالی8 خواتین کو گرفتار کرلیا۔ تفصیلات کے مطابق ایف آئی اے امیگریشن نے ملتان ایئر پورٹ پر کارروائی کرتے ہوئے بھیک مانگنے کے غرض سے سعودیہ عرب جانے کی کوشش کرنیوالی 8خواتین کو آف لوڈ کردیا۔ترجمان کے مطابق گرفتار کی جانیوالی خواتین میں سوبا بی بی، خدیجہ بی بی، آسیہ بی بی، سائرہ بی بی، ساجدہ بی بی، سلمی بی بی، ثمینہ بی بی اور نغمہ بی بی شامل ہیں جن کا تمام بہاولنگر سے ہے۔
ترجمان کے مطابق خواتین کو دو مختلف پروازوں سے آف لوڈ کیا گیا ہے اور ہر خاتون کے پاس سے 200 سعودی ریال برآمد ہوئے ہیں ۔ترجمان کے مطابق خواتین کو مزید جانچ پڑتال کیلئے ایف آئی اے اینٹی ہیومن ٹریفکنگ سرکل منتقل کردیا گیا ہے۔
