نئی دہلی: بھارت میں آسمانی بجلی گرنے کے 2واقعات میں 5افراد ہلاک اور 18طالبعلم زخمی ہوگئے۔بھارتی میڈیا کے مطابق بھارتی ریاست بہارکے مختلف علاقوں میں بجلی گرنے کے2 واقعات میں 5افراد ہلاک اور 18 زخمی ہوگئے۔
میڈیا رپورٹ کے مطابق بجلی گرنے کا پہلا واقعہ مدھوبنی ضلع کے بتھنہ گاؤں میں پیش آیا جہاں کھیتوں میں کام کرنیوالے کسانوں پر آسمانی بجلی گری جس سے دو کسان موقع پر ہلاک ہوگئے اور تیسرے کو تشویشناک حالت میں ہسپتال منتقل کیا گیا جہاں وہ دم توڑ گیا۔
دوسرا واقعہ ڈومریا گاؤں میں پیش آیا جہاں 2خواتین آسمانی بجلی گرنے سے ہلاک ہوگئیں جبکہ بھوج پور ضلع میں سکول پر آسمانی بجلی گرنے سے 18طالب علم زخمی ہوگئے۔دوسری جانب ریاست کے وزیراعلی نتیش کمار نے واقعے پر افسوس کا اظہار کرتے ہوئے مرنے والوں کے لواحقین کیلئے 4،4لاکھ روپے امداد کا اعلان کیا ہے۔
