ڈھاکہ: بنگلہ دیش میں پاکستانی ہائی کمشنر سید احمد معروف نے بنگلہ دیشی عبوری حکومت کے سربراہ ڈاکٹر یونس کیلئے نیک خواہشات کا اظہار کرتے ہوئے امیدظاہر کی ہے کہ وہ بنگلہ دیش کو کامیابی سے ایک پرامن، خوشحال مستقبل کی طرف لے کر جائیں گے۔
تفصیلات کے مطابق بنگلہ دیش میں پاکستانی ہائی کمشنر سید احمد معروف نے بنگلہ دیش کی عبوری حکومت کے سربراہ ڈاکٹر محمد یونس سے ملاقات کی اور پاکستان کی جانب سے ان اور عوام کیلئے نیک خواہشات کا اظہار کرتے ہوئے کہا کہ امید ہے ڈاکٹر محمد یونس کامیابی سے بنگلہ دیش کو ایک پرامن اور خوشحال مستقبل کی طرف لے کر جائیں گے۔ اس موقع پر چیف ایڈوائزر ڈاکٹر محمد یونس نے پاکستان کیلئے گرمجوشی کے جذبات کا اظہار کرتے ہوئے نیک خواہشات پر پاکستانی ہائی کمشنر کا شکریہ ادا کیا۔
