بیجنگ: چین کے 16ویں قومی فٹنس ڈے کے موقع پرخلا میں موجود چینی خلائی سٹیشن پر تین خلابازوں نے بھی خوشیوں میں شریک ہونے اور پیرس اولمپکس کے کھلاڑیوں کے لیے اپنی حمایت کے اظہار کے لیے کھیلوں کا اہتمام کیا۔
شینژو-18 کے خلا بازاپریل کے آخر میں خلائی اسٹیشن پر پہنچے تھے اور انہوں نے اپنے 6ماہ کے خلائی مشن کی نصف سے زیادہ مدت مکمل کرلی ہے۔تینوں خلابازوں نے زمین کے گرد چکر لگاتے ہوئے کئی ایک تجربات کرنے کے علاوہ خلا میں چہل قدمی بھی کی ہے۔ وہ اپنے خلائی امور کی انجام دہی اور زندگی کے درمیان توازن بھی برقرار رکھے ہوئے ہیں۔ چین کی انسان بردار خلائی ایجنسی نے ان کے مشن کی تازہ ترین ویڈیو جاری کی ہیں، جس میں دکھایا گیا ہے کہ وہ کس طرح اپنی فٹنس کے لیے وقت دے رہے ہیں۔
