اسلام آباد: جشن آزادی کے موقع پر پی آئی اے نے مسافروں کو ٹکٹس پر 14 فیصد رعایت دینے کا اعلان کردیا۔ تفصیلات کے مطابق جشن آزادی کے موقع پر پی آئی اے نے مسافروں کیلئے خصوصی رعایتی پیکیج کا اعلان کیا ہے۔
ترجمان کے مطابق جشن آزادی پر قومی ایئر لائنز نے اندرون ملک فضائی سفر پر 14 فیصد رعایت کا اعلان کیا ہے، مسافر فوری رعایتی کرائے کے ٹکٹ خرید سکتے ہیں جو 14 اگست تک سفر کیلئے موزوں ہوں گے۔
اس کے علاوہ پی آئی اے نے ٹورنٹو سے پاکستان کیلئے بھی فضائی ٹکس پر14 فیصد رعایت کا اعلان کیا ہے،14 اگست تک خریدے گئے ٹکٹس پر 14 نومبر تک سفر کیا جا سکے گا۔
