لیما: پیرو میں 22سال قبل لاپتا ہونیوالے امریکی کوہ پیما کی جمی لاش مل گئی۔غیر ملکی میڈیا کے مطابق پیرو میں 22سال قبل لاپتا ہونیوالے امریکی کوہ پیما ولیم اسٹامپفل کی جمی ہوئی لاش مل گئی۔میڈیا رپورٹ کے مطابق جون 2002 میں 22 ہزار فٹ کی بلندی پر برفانی چوٹی سر کرتے ہوئے کوہ پیماؤں کی ٹیم برفانی تودے کی زد میں آگئی تھی جس کے بعد ان کی تلاش کیلئے شروع کیا گیا ریسکیو آپریشن ناکام ہوگیا تھا۔
رپورٹ کے مطابق امریکی کوہ پیما جس وقت لاپتہ ہوا اس کی عمر 59 سال تھی ۔پیرو پولیس کے مطابق کورڈیلیرا بلانکا رینج پر برف پگھلنے سے امریکی کوہ پیما کی لاش برآمد ہوئی۔پولیس کے مطابق لاش کے پاس سے ولیم اسٹامپفل کا پاسپورٹ بھی ملا ہے جس سے لاش شناخت کرنے میں مدد ملی ہے۔
پولیس کے مطابق امریکی کوہ پیما کی لاش کیساتھ پڑے کپڑے اور جوتے بھی سرد موسم کی وجہ سے محفوظ تھے۔
