ریاض : سعودی عرب میں موت کے بعد اعضاء عطیہ کرنیوالوں کی تعداد 5 لاکھ سے تجاوز کر گئی۔ غیر ملکی میڈیا کے مطابق سعودی عرب میں موت کے بعد اعضاء عطیہ کرنیوالوں کی تعداد 5 لاکھ 33 ہزار ہوگئی ہے۔ میڈیا رپورٹ کے مطابق موت کے بعد اعضا عطیہ کرنے کے خواہاں افراد کی تعداد کے لحاظ سے سعودی دارالحکومت ریاض سرفہرست ہے جہاں تقریبا ایک لاکھ 42ہزار عطیہ دہندگان ہیں جبکہ مکہ مکرمہ ایک لاکھ 15ہزار عطیہ دہندگان کے ساتھ دوسرے نمبر پر ہے۔
دوسری جانب سعودی سنٹر فار آرگن ٹرانسپلانٹیشن کے سربراہ ڈاکٹر طلال القوفی نے کہا ہے کہ اعضاء عطیہ کرنیوالے افراد کی خواہش ہے کہ دوسرے مریضوں کی زندگیاں بچائی جا سکیں تاکہ ان کی تکالیف ختم اور انہیں نئی امیدیں مل سکیں۔انہوں نے کہا کہ تاہم اس بات کا امکان ہے کہ کچھ خاندان اپنے کسی رکن کی موت کے بعد اعضا کے عطیہ کی خواہش کو مسترد کردیں گے۔
