پیرس اولمپکس میں خواتین کے تائیکوانڈو مقابلے میں سعودی عرب کی ایتھلیٹ دنیا ابو طالب نے کوارٹر فائنل میں رسائی حاصل کر لی۔
عرب میڈیا کے مطابق فرانس کے دارالحکومت پیرس میں ہونے والے ویمنز تائیکوانڈو انڈر 49 کلوگرام ویٹ کلاس کے راؤنڈ آف 16 مقابلے میں دنیا ابو طالب نے اسرائیلی ایتھلیٹ ابیشگ سیمبرگ کو 1-2 سے شکست دی۔
سعودی ایتھلیٹ 27 سالہ دنیا ابو طالب سے ہارنے کے بعد اسرائیلی ایتھلیٹ 22 سالہ ابیشگ سیمبرگ رو پڑی تھیں۔
دنیا ابو طالب کو مقابلے کے پہلے راؤنڈ میں 2-6 سے شکست ہوئی تھی تاہم دوسرے اور تیسرے راؤنڈ میں انہوں نے ابیشگ سیمبرگ کو 4-5 اور 0-10 سے شکست دی جس کے بعد اسرائیلی خاتون ایتھلیٹ اشکبار ہو گئیں۔
