سیول: جنوبی کوریا میں ہیلی کاپٹر گر کر تباہ ہو گیا،حادثے میں پائلٹ معمولی زخمی ہوا۔
یونہاپ نیوز ایجنسی کے مطابق کوریا فاریسٹ سروس کا ہیلی کاپٹر مقامی وقت کے مطابق بدھ کی صبح 9 بج کر39 منٹ پر جنوبی صوبے گیونگ سانگ کی جنوبی کاؤنٹی ہاڈونگ میں گر کر تباہ ہوا۔ پائلٹ کو زخم آئے جسے قریبی اسپتال لے جایا گیا۔
فائر حکام کا خیال ہے کہ ہیلی کاپٹر بجلی کی تاروں میں پھنسنے کے بعد گر کر تباہ ہوا، جائے وقوعہ سے ملبہ نکالنے کے بعد حادثے کی وجوہات کا تعین کیا جائے گا۔
