اسلام آباد: رہنماء پی ٹی آئی شعیب شاہین نے کہا ہے کہ تیاری کیلئے ایک دن ملنے کے باوجود بھرپور جلسہ کریں گے، حکومت نے عوام کا جینا حرام کردیا، اضافی ٹیکسز پر اپنا لائحہ عمل دیں گے۔ تفصیلات کے مطابق اسلام آباد ہائی کورٹ کے باہر میڈیا سے گفتگو کرتے ہوئے رہنماء پی ٹی آئی شعیب شاہین نے کہا کہ موجودہ حکومت نے لوگوں کا جینا حرام کردیا ہے، اضافی ٹیکس لگائے جا رہے ہیں جس پر ہم اپنا لائحہ عمل دیں گے۔
انہوں نے کہا کہ 6 جولائی کو اسلام آباد میں بھرپور جلسہ کریں گے۔انہوں نے کہا کہ عدالت نے 26 جون کو آرڈر کیا، ہم نے 26 جون سے آج تک ڈی سی سے رابطہ کیا مگر کوئی جواب نہیں دیاگیا، آج این او سی جاری کر کے ہمیں جلسے کی تیاری کیلئے صرف ایک دن دیا گیا ہے۔
