اسلام آباد: وفاقی حکومت نے ملک بھر میں بجلی چوروں کیلئے الگ تھانے اور عدالتوں کے قیام کا فیصلہ کرلیا۔ تفصیلات کے مطابق وفاقی حکومت نے ملک بھر میں بجلی چوروں کیلئے الگ تھانے اور عدالتیں قائم کرنے کا فیصلہ کیا ہے ، منصوبے کے تحت بجلی چوروں کیلئے 8ہزار 769 تھانے اور 497 عدالتیں قائم کی جائیں گی۔
پہلے فیز میں لاہور، ڈی جی خان، حیدرآباد، لاڑکانہ ،بنوں، پشاور، مردان اور کوئٹہ میں تھانے اور عدالتیں قائم ہوں گی۔دوسرے مرحلے میں 29ڈویژن کو مکمل کیا جائے گا ، نئے نظام پر سالانہ 10ارب 70کروڑ روپے کی لاگت آئیگی ،اس کیلئے پہلی بار10ارب سے زائد وفاقی حکومت ادا کرے گی ۔ ذرائع کے مطابق بجلی چور پکڑنے اور سزا دینے کے اخراجات صارفین سے وصول کئے جائیں گے۔
