لاہور : ڈاکوؤں نے سڑک کنارے کیمپ لگا کر سوئے جرمن سیاح کو تشدد کا نشانہ بنا کر لوٹ لیا۔تفصیلات کے مطابق لاہور میں ڈاکو ایئر پورٹ کے قریب سڑک کنارے کیمپ لگا کر سوئے جرمن سیاح کو تشدد کا نشانہ بنا کر موبائل اور نقدی لوٹ کر فرار ہوگئے۔
پولیس کے مطابق جرمنی سے سائیکل پر پاکستان آنیوالا27 سالہ جرمن شہری برگ فلورائن سڑک کے قریب کیمپ لگا کر سو رہا تھا جہاں ڈاکوؤں نے اسے تشدد کا نشانہ بنا کر لوٹا ،ایس پی کینٹ کے مطابق غیر ملکی سیاح کی درخواست پر تھانہ شمالی چھاؤنی پولیس نے کارروائی شروع کردی ہے۔
دوسری جانب ڈی آئی جی آپریشنز محمد فیصل کامران نے واقعے پر ایس پی کینٹ سے رپورٹ طلب کرتے ہوئے فوری ملزمان کی گرفتاری کے احکامات جاری کردیئے ہیں۔
