اسلام آباد: پی ٹی آئی نے شیر افضل مروت کی بنیادی رکنیت ختم کرتے ہوئے اسمبلی نشست سے استعفے کا مطالبہ کردیا ۔تفصیلات کے مطابق پی ٹی آئی نے شیر افضل مروت کی بنیادی رکنیت ختم کرتے ہوئے نوٹیفکیشن جاری کردیا۔
ایڈیشنل سیکرٹری جنرل فردوس شمیم نقوی کے دستخطوں سے جاری اعلامئے کے مطابق شیر افضل مروت نوٹس پیریڈ پر تھے، اس دوران انضباطی کمیٹی نے محسوس کیا کہ شیر افضل مروت کو پارٹی ضوابط کا کوئی خیال نہیں وہ خود کو پارٹی قوانین سے بالاتر سمجھتے ہیں۔اعلامئے میں کہا گیا ہے کہ کمیٹی سمجھتی ہے شیر افضل کو قومی اسمبلی کی نشست سے استعفیٰ دینا چاہئے۔
