اسلام آباد : پی ٹی آئی نے 6 ممبران پر مشتمل او آئی سی ایڈوائزری کونسل تشکیل دے دی۔ تفصیلات کے مطابق پی ٹی آئی نے 6 ممبران پر مشتمل او آئی سی ایڈوائزری کونسل تشکیل دے دی ہے۔ جاری نوٹیفکیشن کے مطابق سجاد برکی کو سیکرٹری او آئی سی تعینات کیا گیا ہے، جبکہ محمد اقبال، ناصر میر ، غلام جیلانی ،ڈاکٹر ہمایوں مہمند اور سنٹرل سیکرٹری فنانس کونسل کا حصہ ہیں۔
نوٹیفکیشن کے مطابق ایڈوائزری کونسل 15 روزمیں رولز پر نظر ثانی اور ترامیم کا مشورہ پیش کرےگی۔ بیان کے مطابق کونسل دنیا بھر میں ہونے والے پی ٹی آئی کے انٹرا پارٹی انتخابات کی نگرانی بھی کرے گی۔
نوٹیفکیشن کے مطابق کونسل کو برطانیہ، آسٹریلیا اور امریکہ میں تین ماہ کے اندر الیکشن کروانے ،ایک ماہ میں عالمی ممبرشپ اور فنڈنگ بارے حکمت عملی تیار کرنے کی ہدایت کی گئی ہے۔
