دوشنبے:وزیراعظم شہباز شریف نے کہا ہے کہ اسماعیل سامانی وسط ایشیاء کی تاریخی شخصیت اور تاجکستان کے قومی ہیرو ہیں ،نویں اور دسویں صدی میں تاجکستان ،خراسان پر حکومت کر کے تاجک قوم کو تاریخ ساز ترقی کی راہ پر گامزن کیا۔
تفصیلات کے مطابق وزیراعظم شہباز شریف وفد کے ہمراہ تاجکستان کے 2 روزہ دورے پر دوشنبے پہنچ گئے جہاں تاجک وزیراعظم قاہررسول زادہ، تاجک وزیر توانائی و آبی وسائل دلیر جمعہ، تاجک نائب وزیر خارجہ فرخ شریف زادہ، دوشنبہ کے مئیر جمشید تبر زادہ اور پاکستان میں تاجکستان کے سفیر یوسف شریف زادہ، تاجکستان میں پاکستان کے سفیر محمد سعید سرور اور اعلی سرکاری و سفارتی اہلکاروں نے ان کا استقبال کیا۔ایئرپورٹ پر وزیراعظم شہباز شریف سے تاجک وزیراعظم قاہر رسول زادہ نے ملاقات کی اور مختلف امور پر تبادلہ خیال کیا جس کے بعد وزیراعظم نے اسماعیل سامانی کی یادگار پر حاضری دی اور پھول چڑھائے۔
اس موقع پر گفتگو کرتے ہوئے وزیراعظم شہباز شریف نے کہا کہ اسماعیل سامانی وسط ایشیاء کی تاریخ شخصیت اور تاجکستان کے قومی ہیرو ہیں جنہوں نے نویں اور دسویں صدی میں تاجکستان اور خراسان کے علاقے پر حکومت کی اور تاجک قوم کو تاریخ ساز ترقی کی راہ پر گامزن کیا۔
