جنوبی افریقہ کیخلاف حالیہ کرکٹ میچ میں بدرین کارکردگی دکھانے اور مہمان ٹیم کے ہاتھوں ذلت آمیز شکست کے بعد بھارتی کرکٹ بورڈ نے ایک ہنگامی اجلاس طلب کرلیا۔
جنوبی افریقہ کیخلاف دوسرے ون ڈے سے قبل ہیڈ کوچ گوتم گمبھیر اور چیف سلیکٹر اجیت اگرکر اور دیگر اعلیٰ حکام کیساتھ اجلاس کا مقصد ٹیم کی جنوبی افریقہ کیخلاف خراب کارکردگی، سلیکشن میں تسلسل اور مستقبل کی منصوبہ بندی سے متعلق مسائل پر فوری بات چیت کرنا ہے۔
غیر ملکی میڈیا کے مطابق یہ اقدام اس پس منظر میں بھی اٹھایا گیا ہے کہ حالیہ میچز میں ویرات کوہلی اور روہت شرما نے شاندار فارم دکھائی لیکن ٹیم مینجمنٹ اور سینئر کھلاڑیوں کے درمیان رابطہ مثبت دکھائی نہیں دے رہا ہے۔
میٹنگ میں حالیہ بھارتی ٹیم کی پرفارمنس، جنوبی افریقہ سے تاریخی ہار اور آئندہ ٹی ٹوئنٹی اور ون ڈے ورلڈکپ کیلئے حکمت عملی طے کی جائیگی۔
میڈیا کے مطابق بی سی سی آئی چاہتی ہے کہ 8 ماہ بعد شروع ہونیوالی اگلی ٹیسٹ سیریز سے قبل تمام معاملات واضح طور پر درست کر لئے جائیں۔
